Vjen filmi i ri Saw!

Pas shtatë vitesh heshtje, saga “Saw” u rikthye në vitin 2017 me “Jigsaw”. Falë suksesit në arkëtime tashmë u vendos që të realizohet filmi i nëntë, i shkruar dhe interpretuar nga komiku Chris Rock dhe me regji të Darren Bousman.

Premiera e këtij kapitulli do të jetë më 23 tetor të vitit 2020.Filmi origjinal u publikua më 2004-n dhe u krijua nga James Wan e Leigh Whannell. Një histori e përgjakshme për një vrasës në seri, John Kramer, (Tobin Bell), i cili i tërhiqte viktimat në një kurth vdekjeprurës dhe testonte moralin dhe instinktin e tyre të mbijetesës.