Prishet marrëveshja për Spider-Man – Filma24.cc | Filma me Titra Shqip HD

Prishet marrëveshja për Spider-Man

Marvel nuk do të prodhojë më filma të tjerë të “Spider-Man”, për pamundësinë e Sony dhe Disney për të gjetur një marrëveshje ekonomike rreth arkëtimeve. Dhe e gjithë kjo jo rastësisht, por menjëherë pas njoftimit se “Spider-Man: Far from home” u bë suksesi më i madh në historinë e Sony-t.

Filmat e tjerë me Tom Holland do të prodhohen vetëm nga Sony. Si kështu? Duke parë rezultatet e dy filmave, CEO i Disney-t, Bob Iger propozoi që të modifikonte marrëveshjen ekzistuese. Disney do të bëhej bashkë-financues me 50% të filmave të tjerë të Njeriut Merimangë. Sony refuzoi duke kërkuar që të mbetej në fuqi marrëveshja ekzistuese që siguronte të ardhurat e Disney prej 5%, të arkëtimeve të ditës së parë të publikimit, që në Hollywood quhet “first-dollar gross”. Çfarë e lejon Sony-n të luajë pjesën e luanit në marrëveshjen e Spider-Man? Fakti që është Sony që zotëron të drejtat e përdorimit të personazheve dhe prandaj është Sony, pra, që ka të drejtat e shpërndarjes.