Parashikimet e tregut për “Hobbs & Shaw” dolën të gabuara, por për mirë

Filmi i ri i sagës “Fast & Furious” habiti dhe analistët, me fundjavën e debutimit prej 180 milionë dollarë në nivel global. Në vendin e origjinës filmi me Dwayne Johnson e Jason Statham renditet në vendin e parë, me 60.8 milionë, për një buxhet prej 200 milionësh. Saga “Fast & Furious” ka gjeneruar mbi 5 miliardë dollarë në të gjithë botën me 8 filma të dalë deri tani. Hapja në vendin e origjinës me 60 milionë për spinoff-in është rezultati më i madh i arritur ndonjëherë në karrierat e Johnson e Statham jashtë sagës “F&F”.