Fansat e “Marvel” i kanë hedhur sytë nga “Black Widow”

Pas dëshpërimit për rrjedhën e ngjarjeve në “Avengers: Endgame”, fansat e “Marvel” i kanë hedhur sytë nga projekti i ardhshëm, “Black Widow”.

Nëse zërat e deritanishëm janë të vërtetë, personazhi do të pësojë një revolucion brenda “Marvel Cinematic Universe”.

“The Independent” shkruan se Florence Pugh do të interpretojë Yelena Belova në filmin mbi personazhin Vejusha e Zezë. Yelena është personazhi i dytë modern i lidhur me Black Widow, që është stërvitur në të njëjtën Dhomë të Kuqe të Natasha Romanoff (Scarlett Johansson). Ndër vite, të dyja kanë pasur konflikt, sidomos për faktin se Yelena mendonte se ishte ajo Vejusha e vërtetë e Zezë.