Historia e mrekullueshme e lundërtarit amator Donald Krouhërst dhe përpjekjes së tij i vetëm për të lundruar rreth globit. Vështirësitë që hasi gjatë udhëtimit ndërsa familja e tij priste kthimin e tij, është një nga misteret më të mëdha të këtyre kohëve.
Një zgjedhje mund të të transformojë ose mund të të shkatërrojë. Por çdo zgjedhje ka pasoja, dhe ndërkohë që trazirat fryhen nëpër fraksionet përreth saj, Tris Prajori duhet të vazhdojë të mundohet të shpëtojë ata që do, dhe veten e saj, ndërkohë që lufton me çështjen e faljes, identitetit dhe besnikërisë, politikës dhe dashurisë. Dita e nisjes së Trisit duhej të ishte shënuar me festime dhe fitore me fraksionin e saj të zgjedhur; në vend të kësaj, dita u mbyll me tmerre. Lufta vazhdon të thuret dhe konfliktet mes fraksioneve dhe ideologjitë e tyre shtohen. Dhe, në kohë lufte, duhet zgjedhur një anë, dhe zgjedhjet bëhen edhe më të pakthyeshme dhe më të fuqishme. Trisi duhet ta përqafojë plotësisht Divergjencën e saj, ndonëse ajo nuk e di se çfarë mund të humbë duke e bërë këtë.
Në shekullin 79 E.S., Milo, një skllav i kthyer gladiator e gjen veten në garë kundër kohës për të shpëtuar vajzën e ëndrrave, bukuroshen Kasia, e premtuar për martesë me një senator romak të korruptuar. Ndërkohë që vullkani i Vesuvit shpërthen dhe shkatërron gjithçka përreth, ai duhet t’i shpëtojë arenës dhe të gjejë dashurinë e jetës së tij, përpara se të jetë shumë vonë...
Kur tre kafshë të ndryshme infektohen me një patogjen të rrezikshëm, një primatolog dhe një gjenetist bashkohen që t'i ndalojnë të shkatërrojnë qytetin e Çikagos.
Kur krijuesi i një bote virtuale të quajtur Oaz vdes, ai sfidon të gjithë përdoruesit e Oazit për të gjetur vezën e tij të Pashkës. Ai që arrin të fitojë lojën, do të zotërojë gjithë pasurinë e tij. A do t'ia dalë njeri të kalojë të gjitha sfidat e videolojës më të famshme në Kolombos?
Të grabitur nga vetë mbreti i tyre, një grup vikingësh arratisen nga fati tragjik në kërkim të një vendi më të sigurtë ku të mund të jetojnë të lirë. Pasi ndeshen në një betejë tepër të vështirë grupi zbarkon në brigjet skoceze, toka armike e banuar nga një mbret cinik dhe I paskrupullt bashkë me një ushtri mercenarësh të pamëshirshëm.
Në Meksikë, dy djem adoleshentë dhe një grua tërheqëse, bëjnë një udhëtim, në të cilin mësojnë nja dy gjëra për jetën, shoqërinë, seksin dhe njëri-tjetrin.
Xhuxhët e kopshteve në Londër po zhduken njëri pas tjetrit. Së fundi, këtë fat e kanë të afërmit e Njomeo dhe Xhuljetës. Ata nuk kanë zgjidhje tjetër, veçse t’i kërkojnë detektivit legjendar Sherlok, t’i ndihmojë për të shpëtuar miqtë dhe familjarët e tyre të humbur.Por, përpara i presin surpriza të shumta...
Lara Kroft, vajza guximtare dhe e pavarur e një aventurieri të zhdukur, duhet ta shtyjë veten përtej limiteve të saj kur gjendet në ishullin ku u zhduk babai i saj.
Pas zhdukjes së babait të saj shkencëtar, tre qenie të veçanta dërgojnë Megin, vëllanë dhe mikun e saj në hapësirë për ta gjetur. A do të arrijnë tre shokët të kalojnë sfidat që i presin?
Në vitin 1206 Norvegjia është e pushtuar nga lufta civile. Djali jetim jashtë martese i mbretit, Hakon Hakonsson, të cilin e do të vdekur gjysma e mbretërisë, ruhet fshehurazi nga dy burra. Një histori që ndryshoi të ardhmen e vendit.
Shpellari Dag, ndihmësi i tij derrkuc Hognob dhe pjesa tjetër e fisit të tyre përballen me një kërcënim. Lordi Nuth ka në plan t’u marrë luginën dhe ta shndërrojë atë në një minierë gjigante. Dagu dhe Hognobi duhet të bashkojnë njerëzit e tyre për të mposhtur armikun e fuqishëm që vjen nga Epoka e Bronzit...
Në vitin 1962 qeveria e Shteteve të Bashkuara të Amerikës kërkon ndihmën e mutantëve me superfuqi për të ndaluar një diktator të pamëshirshëm që është i vendosur për të filluar Luftën e Tretë Botërore.
Maja, bleta e vogël shumë entuziaste, ka vetëm një ëndërr: Të marrë pjesë në Lojërat e Mjaltit. Por, pasi vë në siklet perandoreshën, ajo do të jetë e detyruar të krijojë një skuadër dhe të konkurrojë me një haraç të rëndë: të shpëtojë kosheren e saj. Personazhe nga më gazmoret, në një superproduksion, që do t’u shijojë të gjitha moshave.
Xheik Pentekost, djali i Staker Pentekost bashkohet me Mako Morin për të drejtuar një brez të ri pilotësh Jegerash, duke u munduar të shpëtojnë edhe një herë botën nga Kaixhutë dhe armiqtë e tjerë.
Është viti 2045. Lufta kundër drogës në Meksikë është ashpërsuar për shkak të një karteli droge të pamëshirshëm i cili po përdor robotë për të zbatuar operacionet e veta.
Moska bashkëkohore. Një lojtar i talentuar kumari mbledh një grup njerëzish me aftësi të mbinatyrshme për të fituar shuma të mëdha në një kazino. Por, ata përballen me një rival shumë më të fortë dhe mistik... Dhe, për t’u përballur me të, duhen kapërcyer disa kufij të rrezikshëm dhe të pazakontë.
T'Challa, pas vdekjes të së atit, Mbretit të Wakanda, rikthehet në shtëpi në kombin Afrikan të izoluar dhe të avancuar nga ana teknologjike, për të triumfuar në fron dhe për të marrë me të drejtë vendin e tij si mbret.